തനിക്കായൊരാൾ..
തന്റേതെന്നു പറയാനായൊരാൾ..
തന്റെ കൈ പിടിക്കാനായൊരാൾ..
അങ്ങനെ
കൈകൾ ചേർത്തുപിടിച്ച്
കാലങ്ങളോളം
നിശയും നിലാവും
മഞ്ഞും മഴയും
കടലും മലയും
പുഴകളും അരുവികളും
ഒരു നൂറായിരം കിനാക്കളും
ഒന്നിച്ചു കാണാനായൊരാൾ...!
എല്ലാം ഒരു സ്വപ്നമെങ്കിലും
ആ ഒരാളെ മനസ്സ്
വല്ലാതെ ആഗ്രഹിച്ചിരിക്കുന്നു..
ആ ഒരാൾക്ക് തന്നിലേക്ക്
കടന്നു വരേണ്ടതായിട്ടുണ്ടെന്ന്
മനസ്സ് സദാ
മന്ത്രിച്ചു കൊണ്ടിരിക്കുന്നു..
വ്യാമോഹങ്ങൾ കൊണ്ട്
ഉറക്കത്തെ കെടുത്തുന്നു..!
പ്രിയ സ്വപ്നമേ....
നീ വെറും മിഥ്യയാണ്..
അത് തന്നെയാണ് നിന്റെ ഭംഗിയും..
അത് അങ്ങനെ തന്നെ
നിലനിന്നു കൊള്ളട്ടെ..!
മനമേ....
നീ എന്നും തനിച്ചാണ്...
അത് തന്നെയാണ് യാഥാർഥ്യവും..
നീ കബളിപ്പിക്കപ്പെടാതിരിക്കുക..!
No comments:
Post a Comment