എന്നെ സ്നേഹിക്കുന്ന ഞാന്‍ സ്നേഹിക്കുന്ന എന്റെ സ്വന്തം കൂട്ടുകാര്‍ക്കായി ഞാനിതു സമര്‍പ്പിക്കുന്നു..
കരയരുതിനിയൊരിക്കലുമെന്നാശിക്കുമ്പോഴും
അവിവേകിയാമെന്‍ നാവെന്‍
പ്രിയപ്പെട്ടവരെ വിഷാദ മൂകമാക്കവെ
കൂട്ടിനായെന്നിലെത്തുന്നതെപ്പഴും
തൊണ്ടയിടറുമെന്‍ ഗദ്ഗദത്തിന്‍
വാക്കുകളുമെന്‍ മിഴിനീരും മാത്രം.!
എന്‍ ജീവനാമെന്‍ പ്രിയ കൂട്ടുകാരേ...
നിങ്ങള്‍ തന്‍ അവിവേകിയാമീ
കൂട്ടുകാരി തന്‍ തെറ്റുകള്‍ ക്ഷമിച്ച്
ജീവനുള്ള നാള്‍ വരെ നിങ്ങള്‍ തന്‍
പ്രിയ സുഹൃത്താവാനായ്
ഹൃദയമുരുകി ഞാന്‍ യാചിക്കുന്നു..!
നിങ്ങളാമെന്‍ ലോകം എന്നില്നിന്നു-
മന്യമായാലാ ഏകാന്തമാം ശൂന്യത
എന്‍ മൃത്യു മാത്രമെന്നറിയുക..!!
No comments:
Post a Comment