വിസ്മരിക്കാനാഗ്രഹിക്കുവതാണ് നിന് ഓര്മ്മകളേതുമേ
പ്രിയ ചിതലിന് കൂടാരമേ..!
ബന്ധുമിത്രാധികളൊക്കെയുമെന്
കുടുംബത്തെ പുച്ഛിച്ച്ചതോക്കെയും
നീയെന്ന ഞങ്ങള് മണ്കൂരയെ ചൊല്ലിയല്ലേ..!
ഇന്നിതാ നിന് വൃത്തിഹീനമാം മേനി
തച്ചുടച്ച് നിന് സ്മാരകമെന്നോണം
ഞങ്ങള് തന് സ്വപ്ന സാക്ഷാത്ക്കാരമാം സൗധം
തലയുയര്ത്തി നില്ക്കുന്നേവര്ക്കു മുന്നിലും..!
എങ്കിലുമെന് പുതു മന്ദിരത്തിന്
നടുമുറി തന് കുളിമുറി ഷവറില് നിന്നിറ്റിറ്റു വീഴുന്ന
ജലത്തുള്ളികള് കാണും നേരം മഴക്കാലങ്ങളില്
ചിതലിന് കൂടാരാമാം നിന് മുറികളില്
നിരന്നിരിക്കുമാ പ്ലാസ്റ്റിക് ബക്കറ്റുകളില്
പുറത്തു പെയ്യുമാ മഴ തന് തുള്ളികള്
വന്നു വീഴുന്നതും, എന് കലാലയ ഓര്മ്മകളാം
പുസ്തകത്താളുകള് നീ നിന് ചിതലിനാല്
ചിത്രപ്പണികള് ചെയ്തലങ്കരിച്ചതും
വിസ്മരിക്കാനാവുന്നില്ലിന്നെനിക്ക്..!
അതിനാലിന്നു ഞാന് നന്ദി പറയട്ടെ
ഈ വിശ്വത്തിന് നാഥനോട്
നിന്നെയൊരു ഓര്മ്മ മാത്രമാക്കിയതിന്..!!
No comments:
Post a Comment