കണ്ണ് നിറയുമ്പോൾ

വെള്ളമെടുത്ത് മുഖം

കഴുകി

നമ്മൾ വരുത്തുന്ന

ആ പുഞ്ചിരി ഉണ്ടല്ലോ

അത് മാത്രം മതി 

നമ്മുടെ ജീവിതത്തിന്

കരുത്ത് പകരാൻ!

കാലമേ

നീ ഇനിയും എന്നിലൂടെ

കടന്ന് പോവണം.

അപ്പോഴും

നീ ആവർത്തിക്കരുത്,

ഇക്കുറിയും പ്രായത്തിലല്ലാതെ

നിന്റെ കാത്തിരിപ്പിലും 

പ്രതീക്ഷയിലും മാറ്റമൊന്നുമില്ലെന്ന്!

നീയും ഞാനും

ഒരാളുടെ വാരിയെല്ലുകൊണ്ട് 

മറ്റൊരാളെ അള്ളാഹു സൃഷ്ടിച്ചിരിക്കും

എന്നല്ലോ വിശ്വാസം !

അവരത്രേ ജീവിതത്തിൽ ഇണകളായ് 

ഒന്നിച്ച് ജീവിച്ച് മരിക്കേണ്ടതെന്നുമല്ലോ 

മറ്റൊരു വിശ്വാസം !

എന്റെ വാരിയെല്ലിനും ഒരു പങ്കാളി

നീ ഇന്നും ജീവിച്ചിരിപ്പുണ്ടെങ്കിൽ

ഭൂലോകത്തിൽ ഏതറ്റത്തായാലും

നീ ഒരുനാൾ വരുമെന്ന പ്രതീക്ഷയിൽ

നീ ആരെന്ന് പോലുമറിയാതെ ഞാൻ

നിനക്കായ് ഇന്നും കാത്തിരിക്കുന്നു.

എൻറെ ജീവിത സൗഭാഗ്യങ്ങളോർത്ത്

ഞാൻ അഹങ്കരിക്കാറില്ല.

കാരണം എനിക്കെന്റെ ഉപ്പാന്റെ

ജീവിതാനുഭവങ്ങളറിയാം.

ആയുസിലിന്നും ഒരു പ്രവാസി.

നാട്ടിലും വീട്ടിലും

ഇന്നും ഒരു വിരുന്നുകാരൻ.

Best Friend

Life is my School.

Experiance is my Teacher.

Memmories are my Lessons.

Selfishness, Sentiments,

Wrong imaginations and

Useless hope are my Classmates.

So Lonliness is my

Best Friend Forever..!!!

അറിവിന്റെ മഹത്വം

                             ഞാൻ എന്റെ അനിയത്തിക്കായ് തയ്യാറാക്കിയ ഒരു ലേഖനം           

                      ഒരു മനുഷ്യൻ നേടേണ്ട ആദ്യത്തെ യോഗ്യത അറിവാണ്. വിജ്ഞാനം ഒരു മഹാ സമുദ്രമാണ്. മനുഷ്യന് അതിൽ നിന്ന് മുക്കിയെടുക്കാൻ കഴിയുന്നത്‌ ഏതാനും തുള്ളികൾ മാത്രം. സ്കൂൾ-കോളേജ് വിദ്യാഭ്യാസം കൊണ്ട് അറിവ് മുഴുവൻ നേടി എന്ന് ധരിക്കാൻ പാടില്ല. മറിച്ച് അറിവിൻറെ വഴികൾ കണ്ടെത്തി എന്ന് മാത്രം. മനുഷ്യൻ ജീവിതകാലം മുഴുവൻ പഠിച്ചു കൊണ്ടേയിരിക്കണം. ലോകത്ത് വിജ്ഞാന രംഗത്തെ എല്ലാ പുതിയ സംഭവ വികാസങ്ങളെയും നമ്മൾക്ക് ശ്രദ്ധിക്കാൻ കഴിയണം.

                       ഔപചാരിക വിദ്യാഭ്യാസം നേടിയാൽ പിന്നെ പുസ്തകവുമായുള്ള ബന്ധം അവസാനിപ്പിക്കുന്നു. എന്നാൽ ഇന്ന് പല പുതിയ വഴികളും വിജ്ഞാന സമ്പാദനത്തിനുണ്ട്. ടി.വി, ഇന്റർനെറ്റ്‌ തുടങ്ങിയവ പ്രധാനം. എന്നാൽ ടി.വിക്കും, ഇന്റെർനെറ്റിനും മുമ്പിൽ വിനോദിക്കാൻ വേണ്ടി ഏറെ നേരം ചെലവഴിക്കുന്നത് പല ദോഷങ്ങളും വരുത്തും. അതുകൊണ്ടു തന്നെ പത്ര വായന നമുക്ക് അനിവാര്യമാണ്. പത്ര മാസികകളുമായി നമ്മൾ നിരന്തരം ബന്ധപ്പെട്ടുകൊണ്ടിരിക്കണം.

              ജീവിതത്തിന്റെ ഏതു തിരക്കിനിടയിലും നല്ല വായനയിലൂടെ ലഭിക്കുന്ന അറിവ് മികച്ച വ്യക്തിത്വം വളർത്തിയെടുക്കാൻ നമ്മളെ സഹായിക്കുന്നു. എല്ലാ വിധ മത ഗ്രന്ഥങ്ങളും വായനയുടെ മഹത്വം ഉദ്ഘോഷിക്കുന്നുണ്ട്. രാമായണം, മഹാഭാരതം, ബൈബിൾ, ഖുർആൻ ഇതെല്ലം തന്നെ മികച്ച ഉദാഹരണങ്ങളാണ്. അറിവാണ് ധനം എന്ന് നാം തിരിച്ചറിഞ്ഞാൽ തന്നെ മാനസികമായി ഉയരത്തിലെത്താൻ കഴിയും. നല്ല പുസ്തകം നല്ല കൂട്ടുകാരനാണ്. പുസ്തക വായന തന്നെ അറിവ് നേടാനുള്ള പ്രധാന മാർഗം. അതുകൊണ്ടേ മനസ്സിന് വെളിച്ചവും, ആത്മവിശ്വാസവും ലഭിക്കുകയുള്ളു. അങ്ങനെയുള്ള ആത്മവിശ്വാസത്തോടെ പരിശ്രമിച്ചാൽ ഏതു പ്രതികൂല സാഹചര്യങ്ങളെയും അനുകൂലമാക്കി നമുക്ക് വിജയം കൈവരിക്കാൻ സാധിക്കും.

ബാല്യം

ബാല്യമൊരു മഹാ നഷ്ട്ടം!
അതു നികത്താനാകുകില്ല
ഇനിയൊരു കാലത്തിനും!